Që prej vitit 2003, aktiviteti i ushtruar ishte i përqëndruar në dy drejtime kryesore : në fushën e informatikës si dhe në mirëmbajtjen dhe furnizimin e automjeteve për transport privat. Viti 2005 shënoi një zhvillim të mëtejshëm në fushën e transportit të njerëzve dhe mallrave, midis qyteteve të Shqipërisë si edhe jashtë saj. Suksesi në tregun shqiptar i dha shtysën për t’u përfshirë edhe në industrinë e ndërtimit në vitin 2009, me një fokus të madh ndaj projekteve infrastrukturore publike në fshatra e qytete të vendit.

Si rrjedhojë, në të njëjtin vit shoqëria u zgjerua edhe drejt fushës së nxjerrjes dhe përpunimit të inerteve duke ngritur impiantin për guroren e ndodhur në Krujë. Në 10 vitet e fundit Shpresa-Al vjen e kompletuar në sektorin e sigurisë, energjisë si dhe të shërbimeve specifike për kontrollin e mjeteve frigorike, e gjithashtu në kontrollin teknik të automjeteve. Që prej vitit 2017 Shpresa-Al është angazhuar edhe në kulinari dhe argëtim me hapjen e bar-restorantit të shkëlqyer të ndodhur në Kamëz.